ព័ត៌មានជាតិ

រសៀលថ្ងៃទី២២ ខែវិច្ឆិកា ឆ្នាំ២០២១ ឯកឧត្តម ឧត្តមសេនីយ៍ឯក ច័ន្ទ លំផាត់ អនុប្រធាន គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) តំណាងដ៏ខ្ពង់ខ្ពស់ ឯកឧត្តមនាយឧត្តមសេនីយ៍ ទេសរដ្ឋមន្ត្រី គន់ គីម អនុប្រធានទី១ គ.ជ.គ.ម. បានទទួលជួបពិគ្រោះយោបល់ជាមួយក្រុមប្រឹក្សាយោបល់របស់កិច្ចសហប្រតិបត្តិការហិរញ្ញវត្ថុអាល្លឺម៉ង់ នៃធនាគារអភិវឌ្ឍន៍អាល្លឺម៉ង់ តាមប្រព័ន្ធអនឡាញ។ កិច្ចប្រជុំបានធ្វើការពិគ្រោះយោបល់លើការសិក្សាអំពីលទ្ធភាព ស្ដីពីការវិនិយោគក្នុងការត្រៀមរៀបចំសម្រាប់ជំងឺរាតត្បាតសកល និងការគ្រប់គ្រងសុខភាពបន្ទាន់ពាក់ព័ន្ធគ្រោះមហន្តរាយធម្មជាតិនៅកម្ពុជា។ កិច្ចប្រជុំ ក៏មានការអញ្ជើញចូលរួមពី ថ្នាក់ដឹកនាំ និងមន្ត្រីជំនាញ នៃអគ្គលេខាធិការដ្ឋាន គណៈកម្មាធិការជាតិគ្រប់គ្រងគ្រោះមហន្តរាយ។

នៅរសៀលថ្ងៃចន្ទ ៣ រោច ខែកត្តិក ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី២២ ខែវិច្ឆិកា ឆ្នាំ២០២១  នៅវិមានសន្តិភាណ ឯកឧត្ដម គីម វីរៈ ទីប្រឹក្សា គណកម្មាធិការជាតិគ្រប់គ្រងគ្រោះមហន្តរាយ និងជានាយកគម្រោង តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ គន់ គីម ទេសរដ្ឋមន្រ្តី ជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានទទួលជួបពិភាក្សាការងារជាមួយ ទីភ្នាក់ងារសហរដ្ឋអាមេរិក សម្រាប់ការអភិវឌ្ឍន៍អន្តរជាតិ (USAID) ដែលដឹកនាំដោយ លោកស្រី Nacy Eslick នាយិកា ទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID)។ កិច្ចពិភាក្សា បានផ្តោតសំខាន់ទៅលើ កិច្ចសហប្រតិបត្តិការ រវាង គ.ជ.គ.ម. និង USAID លើការងារគ្រប់គ្រងគ្រោះមហន្តរាយនៅក្នុងព្រះរាជាណាចក្រកម្ពុជា។

បាត់ដំបង៖ នាព្រឹកថ្ងៃទី១១ ខែវិច្ឆិកា ឆ្នាំ២០២១ គណៈកម្មាធិការជាតិគ្រប់គ្រងគ្រោះមហន្តរាយ បានរៀបចំពិធីបិទវគ្គហ្វឹកហ្វឺនបំប៉នជំនាញបច្ចេកទេសសង្រ្គោះគ្រោះមហន្តរាយដល់កងប្រតិបត្តិការរុករក និងសង្រ្គោះគ្រោះមហន្តរាយលេខ៧០៥ យោធភូមិភាគទី៥ ក្រោមអធិបតីភាព ឯកឧត្តម ឧត្តមសេនីយ៍ឯក ឯក សំអូន មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ និង ឯកឧត្តម គីម វីរៈ ទីប្រឹក្សា និងជាអនុប្រធានក្រុមប្រតិបត្តិការរុករកនិងសង្រ្គោះគ្រោះមហន្តរាយ តំណាងឯកឧត្តម គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ។ តាមរបាយការណ៍បានឱ្យដឹងថា ផែនការហ្វឹកហ្វឺន ដែលបានប្រារព្ធពិធីបិទវគ្គនាពេលនេះ មានចំនួន ១វគ្គ ប្រើរយៈពេល ៣១ថ្ងៃកន្លងរួចមកហើយ ចាប់ផ្តើមបើកវគ្គហ្វឺកហ្វឺនចាប់ពីថ្ងៃ១២ ខែតុលា ដែលមានសិក្ខាកាម ចំនួន ១២០នាក់ ត្រូវបានទទួលការហ្វឹកហ្វឺនបឋមជំនាញរុករក និងសង្រ្គោះគ្រោះមហន្តរាយ ដែលត្រូវហ្វឹកហ្វឺនលើជំនាញ បចេ្ចកទេសសង្គ្រោះគ្រោះមហន្តរាយ បើកបរកាណូត និងវិធីជួយសង្គ្រោះ។ ក្នុងឱកាសនេះដែរ ក្នុងនាមមេបញ្ជាការយោធភូមិភាគទី៥ ឯកឧត្តម ឯក សំអូន គោរពថ្លែងអំណរគុណយ៉ាងជ្រាលជ្រៅជាទីបំផុតចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងជាប្រធានគណៈកម្មាធិការជាតិគ្រប់គ្រងគ្រោះមហន្តរាយ …

គណៈកម្មាធិការជាតិគ្រប់គ្រងគ្រោះមហន្តរាយ បានបង្កើនសមត្ថភាពជំនាញបច្ចេកទេសសង្រ្គោះគ្រោះមហន្តរាយនិងការរុករកឱ្យមានប្រសិទ្ធភាព ដើម្បីត្រៀមឆ្លើយតបនិងសង្គ្រោះនៅពេលមានគ្រោះទឹកជំនន់ និងគ្រោះមហន្តរាយនានាកើតឡើងដោយយថាហេតុបានទាន់ពេលវេលា Read More »

ល្ងាចថ្ងៃទី២៧ ខែតុលា ឆ្នាំ២០២១ ឯកឧត្តម ឡាំ ហេងហួត អនុប្រធាន គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) និងជាអគ្គលេខាធិការ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ទេសរដ្ឋមន្ត្រី គន់ គីម អនុប្រធានទី១ គ.ជ.គ.ម. បានដឹកនាំក្រុមការងារ ចុះពិនិត្យការជន់លិចនៅចំណុចទំនប់បាក់លើសណ្តរស្ទឹងព្រែកត្នោត ក្នុងភូមិកន្ទុយទឹក ជាប់ព្រំប្រទល់ភូមិក្រាំង និងភូមិសាលា សង្កាត់ទៀន ខណ្ឌដង្កោ រាជធានីភ្នំពេញ ដោយមានការចូលរួមផងដែរពី ឯកឧត្តម អភិបាលរាជធានីភ្នំពេញ ឧត្តមសេនីយ៍ទោ យិន ជំនិត និងអាជ្ញាធរមូលដ្ឋាន។ ក្រុមការងារបច្ចេកទេសរបស់ក្រសួងធនធានទឹកនិងឧតុនិយម បានប្រើប្រាស់គ្រឿងចក្រធន់ធ្ងន់ ចំនួន ០៥គ្រឿង ដីខ្សាច់ជាច្រើនឡាន សហការជាមួយកម្លាំងបញ្ជាការដ្ឋានកងអង្គរក្ស បញ្ជាការដ្ឋានយោធភូមិភាគពិសេស អាជ្ញាធរមូលដ្ឋាន និងសាលារាជធានីភ្នំពេញ កំពុងបន្តការងារអន្តរាគមន៍យ៉ាងសកម្ម ខិតខំបិទផ្ចិតចំនុចទំនប់បាក់នេះ ដើម្បីបញ្ជៀសហានិភ័យ គ្រោះថ្នាក់ផ្សេងៗជាយថាហេតុ។ យោងតាមរបាយការណ៍បឋមរបស់រដ្ឋបាលខណ្ឌដង្កោ និងខណ្ឌកំបូល គិតត្រឹមថ្ងៃទី២៧ ខែតុលា ឆ្នាំ២០២១នេះ ខណ្ឌទាំង២មានផលប៉ះពាល់សរុបដូចខាងក្រោម៖ – ប៉ះពាល់ ១១សង្កាត់ …

ឯកឧត្តម ឡាំ ហេងហួត ដឹកនាំក្រុមការងារ ចុះពិនិត្យការជន់លិចនៅសង្កាត់ទៀន ខណ្ឌដង្កោ រាជធានីភ្នំពេញ Read More »

(រសៀលថ្ងៃទី២៥ ខែតុលា ឆ្នាំ២០២១)៖ ដើម្បីត្រៀមខ្លួនឆ្លើយតប និងសង្គ្រោះប្រជាពលរដ្ឋបានទាន់ពេលវេលា ឯកឧត្តម គីម វីរៈ ទីប្រឹក្សា គ.ជ.គ.ម. និងជាអនុប្រធានក្រុមការងារសម្របសម្រួលជាមួយកងប្រតិបត្តិការរុករក និងសង្រ្គោះគ្រោះមហន្តរាយ បានដឹកនាំក្រុមការងារ ដោយសហការជាមួយកងប្រតិបត្តិការរុករក និងសង្រ្គោះរបស់បញ្ជាការដ្ឋានទ័ពពិសេស ចុះត្រួតពិនិត្យស្ថានភាពទឹកស្ទឹងព្រែកត្នោត ដែលកំពុងហក់ឡើង ហើយបណ្តាលឱ្យជន់លិចផ្ទះប្រជាពលរដ្ឋនៅភូមិសាស្រ្តភូមិដូនកុក និងភូមិអន្លង់ស្វាយ សង្កាត់បឹងធំ ខណ្ឌកំបូល រាជធានីភ្នំពេញ។ តាមការឱ្យដឹងពីអជ្ញាធរមូលដ្ឋាននៅភូមិសាស្រ្តនេះ ជំនន់បានលិចផ្ទះប្រជាជនប្រមាណ ២១០គ្រួសារ និងប៉ះពាល់ដំណាំស្រូវចំនួន ១៣៥ហិកតាស្មើនឹង៥ភូមិ។ សម្រាប់ប្រជាពលរដ្ឋ ចំនួន ២១០គ្រួសារ ដែលរងការប៉ះពាល់ដោយទឹកជំនន់ នឹងបានទទួលអំណោយសង្រ្គោះបឋមជាស្បៀងអាហារពីអជ្ញាធរខណ្ឌកំបូល។ ក្នុងនាម ឯកឧត្តម ទេសរដ្ឋមន្រ្តី គន់ គីម អនុប្រធានទី១ គ.ជ.គ.ម. ឯកឧត្តម គីម វីរៈ បានឧបត្ថម្ភកម្លាំងកងប្រតិបត្តិការចំនួន ១៥នាក់ ដែលកំពុងឈរជើងប្រចាំការនៅទីនោះក្នុងម្នាក់ ៥០.០០០រៀលផងដែរ។

នាព្រឹកថ្ងៃទី២០ ខែតុលា ឆ្នាំ២០២១ ឯកឧត្តម ទេសរដ្ឋមន្រ្តី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន អមដំណើរដោយប្រតិភូគណៈកម្មាធិការជាតិគ្រប់គ្រងគ្រោះមហន្តរាយ ឯកឧត្តម គិត ទ្រី អភិបាលរងខេត្ត អភិបាលស្រុក និងមេបញ្ជាការកងកម្លាំងចម្រុះ អញ្ជើញត្រួតពិនិត្យស្ថានភាព ជំនន់ទឹកភ្លៀង និងផលប៉ះពាល់របស់ប្រជាពលរដ្ឋដោយផ្ទាល់នៅក្នុងស្រុកលំផាត់ ខេត្តរតនគិរី។ មានប្រសាសន៍សំណេះសំណាលនាឱកាសនេះ ឯកឧត្តម ទេសរដ្ឋមន្រ្តី គន់ គីម ក៏បានកោតសរសើរគណៈកម្មាធិការគ្រប់គ្រងគ្រោះមហន្តរាយខេត្ត អាជ្ញាធរមានសមត្ថកិច្ច កងកម្លាំងចម្រុះ ដែលបានអនុវត្តន៍ផែនការទប់ស្កាត់ និងដោះស្រាយ បញ្ហាបណ្តាលមកពីគ្រោះទឹកជំនន់ តាមសារាចរណែនាំរបស់ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។ ឯកឧត្តម ទេសរដ្ឋមន្ត្រី ក៏បានផ្តល់អនុសាសន៍មួយចំនួនដល់ គណៈកម្មាធិការគ្រប់គ្រងគ្រោះមហន្តរាយខេត្តត្រៀមបម្រុង និងមានវិធានការឆ្លើយតបបានទាន់ពេលវេលាប្រកបដោយប្រសិទ្ធភាព សំដៅកាត់បន្ថយបាននូវផលប៉ះពាល់ឱ្យនៅកម្រិតទាបបំផុត ដោយផ្តោតជាអាទិភាពខ្ពស់ចំពោះអាយុជីវិតមនុស្ស។ ក្នុងឱកាសនោះដែរ ឯកឧត្តម ក៏បាននាំយកអំណោយប្រគល់ជូន ប្រជាពលរដ្ឋដែលរងគ្រោះជាង៤០០គ្រួសារ ដោយសារទឹកជំនន់ដោយក្នុង ១គ្រួសារ ទទួលបាន៖ អង្ករ៥០គីឡូ …

ឯកឧត្តម ទេសរដ្ឋមន្រ្តី គន់ គីម អញ្ជើញចុះពិនិត្យស្ថានភាពជំនន់ទឹកភ្លៀង ក្នុងស្រុកលំផាត់ ខេត្តរតនគិរី Read More »