ព័ត៌មាន

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងថា ទិវាជាតិគ្រប់គ្រងគ្រោះមហន្តរាយ ផ្ដល់ដល់កម្ពុជានូវការចងចាំ ពីប្រទេសមានគ្រោះមហន្តរាយធំធេង បង្កដោយសង្គ្រាម មកជាប្រទេសមានសន្តិភាពពេញលេញ។ នេះបើតាមសារលិខិត របស់សម្តេចតេជោ ហ៊ុន សែន ក្នុងឱកាសនៃការប្រារព្ធទិវាជាតិគ្រប់គ្រងគ្រោះមហន្តរាយ រួមជាមួយទិវាអាស៊ានគ្រប់គ្រងគ្រោះមហន្តរាយ និងទិវាអន្តរជាតិកាត់បន្ថយហានិភ័យគ្រោះមហន្តរាយ ក្រោមមូលបទ «រួមគ្នាដើម្បីលើកកម្ពស់ តុល្យការសកម្មភាពមូលដ្ឋានីយកម្ម សម្រាប់ភាពធន់នឹងគ្រោះមហន្តរាយ» ដែលត្រូវធ្វើឡើងនៅថ្ងៃទី១៣ ខែតុលា ឆ្នាំ២០២២ស្អែកនេះ។ សារលិខិតដែលបណ្តាញព័ត៌មាន Fresh News ទទួលបាន គឺសម្តេចតេជោ ហ៊ុន សែន បានបញ្ជាក់យ៉ាងដូច្នេះ «ខ្ញុំជឿជាក់ថា ទិវាជាតិគ្រប់គ្រងគ្រោះមហន្តរាយ១៣ តុលា ឆ្នាំ២០២២ នេះ នឹងផ្ដល់ដល់យើងនូវការចងចាំនូវដំណើរវែងឆ្ងាយដែលយើងបានឆ្លងកាត់ពីប្រទេសមានគ្រោះមហន្តរាយធំធេង បង្កដោយមនុស្សគឺ «សង្គ្រាម» មកជាប្រទេសមានសុខសន្តិភាពពេញបរិបូណ៌ និងមានមោទកភាពក្នុងនាមជាប្រជាជាតិមួយ នៅពេលដែលយើងបន្តដំណើររួមគ្នាទៅមុខ ប្រកបដោយអភិវឌ្ឍនភាពឥតឈប់ឈរ និង គ្មានគ្រោះមហន្តរាយ»។ បើតាមសម្តេចតេជោនាយករដ្ឋមន្ត្រី សម្រាប់កម្ពុជា ជារៀងរាល់ឆ្នាំ បានរងផលប៉ះពាល់ពីទឹកជំនន់​ រាំងស្ងួត ខ្យល់កន្ត្រាក់​ រន្ទះបាញ់ បាក់ច្រាំងទន្លេ និងគ្រោះមហន្តរាយផ្សេងៗទៀត។ ទោះជាយ៉ាងនេះក្តី រាជរដ្ឋាភិបាលកម្ពុជា​ …

សម្តេចតេជោ ហ៊ុន សែន៖ ទិវាជាតិគ្រប់គ្រងគ្រោះមហន្តរាយ ផ្ដល់កម្ពុជានូវការចងចាំ ពីប្រទេសមានគ្រោះមហន្តរាយធំធេងបង្កដោយសង្គ្រាម មកជាប្រទេសមានសន្តិភាព Read More »

(ភ្នំពេញ)៖ ក្នុងនាមជាសេនាធិការរបស់សម្តេចតេជោ ហ៊ុន សែន និងជាងប្រតិបត្តិករផ្ទាល់លើសមរភូមិគ្រោះមហន្តរាយនោះ លោកទេសរដ្ឋមន្ត្រី គន់ គីម តែងតែផ្សារភ្ជាប់ខ្លួនជាមួយប្រជាពលរដ្ឋ និងអាជ្ញាធរជាប់ជានិច្ចរាល់ពេលកើតគ្រោះមហន្តរាយ ដើម្បីក្តាប់សភាពការណ៍ វាយតម្លៃសភាពការណ៍ និងឆ្លើយតបនឹងបញ្ហាឱ្យបានទាន់ពេលវេលា។ ក្រៅតែពីការដោះស្រាយបញ្ហារបស់ប្រជាពលរដ្ឋពេលជួបគ្រោះទឹកជំនន់ហើយនោះ ការងារស្តារលទ្ធកម្មដាំដុះរបស់ប្រជាពលរដ្ឋក្រោយទឹកស្រកទៅវិញ ក៏ជាកិច្ចការដ៏ចាំបាច់ផងដែរ។ អនុវត្តន៍តាមបទបញ្ជាសម្តេចតេជោប្រមុខរាជរដ្ឋាភិបាល មិនឱ្យជ្រុះដល់ដីនោះ នៅថ្ងៃទី០៩ ខែតុលា ឆ្នាំ២០២២នេះ លោកទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានហោះចេញពីខេត្តមួយទៅមួយខេត្តនៅជុំវិញបឹងទន្លេសាប ជួបជជែកជាមួយអាជ្ញាធរខេត្ត ដាក់ចេញនូវវិធានការមួយចំនួន ដើម្បីស្តារការដាំដុះរបស់ប្រជាពលរដ្ឋឡើងវិញ។ ក្នុងជំនួបប្រជុំជាមួយអាជ្ញាធរក្នុងខេត្តកំពង់ធំ និងខេត្តសៀមរាប លោកទេសរដ្ឋមន្ត្រី គន់ គីម បានលើកនូវប្រសាសន៍ជាបទបញ្ជាដាច់ណាត់របស់សម្តេចតេជោ ក្នុងកិច្ចអន្តរាគមន៍ស្តារការដាំដុះឡើងវិញរបស់ប្រជាពលរដ្ឋក្រោយពេលទឹកស្រកចុះទៅវិញ។ លោកទេសរដ្ឋមន្ត្រី បានគូសបញ្ជាក់ថា សម្តេចតេជោប្រសូត្រចេញ ពីគ្រួសារកសិករ លោកក្តាប់បាន និងមានការយល់ដឹងស៊ីជម្រៅណាស់ពីការលំបាក និងតម្រូវការរបស់ប្រជាកសិករ ដូច្នេះសម្តេចបានដាក់ចេញនូវទិសដៅអាទិភាពបន្ទាន់សម្រាប់ប្រតិបត្តិការត្រៀមផ្តល់ពូជស្រូវ និងដំណាំរួមផ្សំជូនដល់ប្រជាពលរដ្ឋសម្រាប់ស្តារជីវភាពឡើងវិញ។ លោកទេសរដ្ឋមន្ត្រី បានគូសបញ្ជាក់ដូច្នេះថា «សម្តេចតេជោ លោកជាអ្នកប្រសូតក្នុងត្រកូលកសិករ ជាអ្នកផ្សារភ្ជាប់ខ្លួនជានិច្ចជាមួយកសិករ ដូច្នេះទុក្ខលំបាករបស់កសិករ គឺជាទុក្ខលំបាករបស់លោក ហើយលោកយល់ច្បាស់ណាស់ពីស្ថានភាពរបស់កសិករ។ កសិកម្មជាដង្ហើមជីវិតរបស់កសិករ ដូច្នេះត្រូវធានាដល់ការដាំដុះឡើងវិញរបស់កសិករក្រោយពេលទឹកស្រក។ …

ទេសរដ្ឋមន្ត្រី គន់ គីម ទទួលបទបញ្ជាសម្តេចតេជោ ចុះជួបអាជ្ញាធរខេត្តជុំវិញបឹងទន្លេសាប ដាក់ផែនការស្តារការដាំដុះ ក្រោយទឹកស្រកទៅវិញ Read More »

នារសៀលថ្ងៃសុក្រ ១២ កើត ខែអស្សុជ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៧ ខែតុលា ឆ្នាំ២០២២ ឯកឧត្តម ឧត្តមសេនីយ៍ទោ គីម សុផារុន នាយរងសេនាធិការចម្រុះនៃកងយោធពលខេមរភូមិន្ទ, ទីប្រឹក្សា គ.ជ.គ.ម. និងជាអនុប្រធានក្រុមការងារសម្របសម្រួលកងប្រតិបត្តិការរុករកនិងសង្គ្រោះគ្រោះមហន្តរាយ អមដំណើរដោយប្រតិភូ គណៈកម្មាធិការជាតិគ្រប់គ្រងគ្រោះមហន្តរាយ បានបន្តចុះត្រួតពិនិត្យកម្លាំង ឧបករណ៍ សម្ភារៈ និងសំណេះសំណាល ជាមួយកងប្រតិបត្តិការរុករក និងសង្រ្គោះលេខ៧២៤ នៅទីបញ្ជាការកងពលតូចអន្តរាគមន៍លេខ១៤ ។

នាព្រឹកថ្ងៃសុក្រ ១២ កើត ខែអស្សុជ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៧ ខែតុលា ឆ្នាំ២០២២ ឯកឧត្តម គីម វីរៈ អគ្គលេខាធិការនៃគណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) បានដឹកនាំក្រុមការងារ គណៈកម្មាធិការជាតិគ្រប់គ្រងគ្រោះមហន្តរាយ ដោយសហការជាមួយ អាជ្ញាធរខេត្ត បានចុះពិនិត្យស្ថានភាពទឹកជំនន់ក្នុងភូមិសាស្ត្រ ក្រុងពោធិ៍សាត់។ លោក លឹម សុខតូ អភិបាលរងខេត្តបានឱ្យដឹងថា ចំពោះស្ថានភាពទឹកនៅ ស្ទឹងពោធិ៍សាត់មានបញ្ហាលិចលង់ខ្លះ និងខ្លះស្រុងពីផ្នែកខាងលើដោយសារមានភ្លៀងធ្លាក់ពីតំបន់ជួរភ្នំក្រវាញ ស្ទឹងអាតៃ ស្ទឹងព្រៃខ្លុង និងស្ទឹងធំ មានកំរិតខ្ពស់ មកលើដងស្ទឹងពោធិ៍សាត់។ ប៉ុន្តែបើសិនភ្លៀងមិនបន្តធ្លាក់ទៀតទេនោះគឺទឹកស្ទឹងក្នុងក្រុងពោធិ៍សាត់មិនមាន ហានិភ័យ ធ្ងន់ធ្ងរ នោះទេ។ខណៈដែលទឹកស្ទឹងពោធិ៍សាត់កំពុងកើនឡើងបែបនេះអាជ្ញាធរខេត្តមន្ត្រីជំនាញពាក់ព័ន្ធនៅតែបន្តអំពាវនាវដោយទទូច ហើយឱ្យបងប្អូនប្រជាពលរដ្ឋទាំងអស់ជាពិសេសបងប្អូនដែលរស់នៅតាមដងស្ទឹងមេត្តាប្រុងប្រយ័ត្នខ្ពស់ជៀសវាងគ្រោះថ្នាក់ផ្សេងៗកើតឡើង។ ឯកឧត្តម អគ្គលេខាធិការ ក៏បានលើកឡើងថា ដើម្បីធានាដល់ការជួយសង្គ្រោះជូនប្រជាពលរដ្ឋបានទាន់ពេលវេលា កងអន្តរាគមន៍សង្គ្រោះគ្រោះមហន្តរាយ បានត្រៀមខ្លួនរួចជាស្រេចក្នុងការចេញជួយអន្តរាគមន៍ជំលៀសប្រជាពលរដ្ឋទៅទីទួលសុវត្ថិភាព។ ក្នុងថ្ងៃដដែល ឯកឧត្តម និងក្រុមការងារ បានបន្តដំណើរចុះត្រួតពិនិត្យអគារទីទួលសុវត្ថិភាព ឬស្សីតាម៉ាន់ ស្ថិតនៅក្នុងភូមិឫស្សីតាម៉ាន់ ឃុំបឹងបត់កណ្តោល ស្រុកបាកាន ពោធិ៍សាត់ ដើម្បីត្រៀមបង្ការ …

ឯកឧត្តម គីម វីរៈ អគ្គលេខាធិការនៃគណៈកម្មាធិការជាតិគ្រប់គ្រងគ្រោះមហន្តរាយ បានដឹកនាំក្រុមការងារ គណៈកម្មាធិការជាតិគ្រប់គ្រងគ្រោះមហន្តរាយ ដោយសហការជាមួយ អាជ្ញាធរខេត្ត បានចុះពិនិត្យស្ថានភាពទឹកជំនន់ក្នុងភូមិសាស្ត្រ ក្រុងពោធិ៍សាត់ Read More »

ថ្ងៃសុក្រ ១២ កើត ខែអស្សុជ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៧ ខែតុលា ឆ្នាំ២០២២ ឯកឧត្តម ឧត្តមសេនីយ៍ទោ គីម សុផារុន នាយរងសេនាធិការចម្រុះនៃកងយោធពលខេមរភូមិន្ទ, ទីប្រឹក្សា គ.ជ.គ.ម. និងជាអនុប្រធានក្រុមការងារសម្របសម្រួលកងប្រតិបត្តិការរុករកនិងសង្គ្រោះគ្រោះមហន្តរាយ អមដំណើរដោយប្រតិភូរ គណៈកម្មាធិការជាតិគ្រប់គ្រងគ្រោះមហន្តរាយ បានអញ្ជើញចុះត្រួតពិនិត្យកម្លាំង ឧបករណ៍ សម្ភារៈ និងសំណេះសំណាល ជាមួយកងប្រតិបត្តិការរុករក និងសង្រ្គោះលេខ៧០៥ (យោធភូមិភាគ៥) នៅបញ្ជាការដ្ឋានយោធភូមិភាគទី៥។

បន្ទាយមានជ័យ៖ លោក គីម វីរ: ជាអគ្គលេខាធិការជាតិគ្រប់គ្រងគ្រោះមហន្តរាយ នៅថ្ងៃទី៦ ខែតុលា ឆ្នាំ២០២២ ​ បាន​ដឹក​នាំ​ក្រុមការងារសហការ​​​​ជា​មួយ​​កងកម្លាំង​ចម្រុះ​​​ចុះ​ពិនិត្យស្ថានភាពទឹកជំនន់ និងចុះចែកអំណោយរបស់សម្តេចតេជោ ហ៊ុន សែន នាយករដ្ឋមន្រ្តី ប្រគល់ជូនប្រជាពលរដ្ឋ​តាមខ្នងផ្ទះ​ដែលកំពុងប្រឈមដោយទឹកជំនន់ ​ក្នុង​ស្រុក​មង្គលបុរី ​ស្រុកភ្នំស្រុក និងក្រុងសិរីសោភ័ណ ។ ក្នុង​ពេល​ចុះ​ចែក​អំណោយ ​តាមខ្នង លោក គីម វីរ: បានឱ្យដឹងថា ដោយមានការយកចិត្តទុកបំផុតពីសម្តេចតេជោ ហ៊ុន សែន នាយករដ្ឋមន្រ្តី ​និង​ជា​​ប្រធានគណ:កម្មាធិការជាតិគ្រប់គ្រងគ្រោះ (គ.ជ.គ.ម)​រួមទាំងការណែនាំរបស់ឯកឧត្តម ទេសរដ្ឋមន្រ្តី គន់ គីម អនុប្រធានទី១ (គ.ជ.គ.ម) ​បានចាត់​ឱ្យក្រុមការងារថ្នាក់ជាតិចុះពិនិត្យជាបន្ទាន់ ដេីម្បីពិនិត្យ និងចែកអំណោយជាគ្រឿងឧបភោគបរិភោគជូនប្រជាពលរដ្ឋ។ លោក គី ម វីរ:  អគ្គលេខាធិការ  (គ.ជ.គ.ម) បានពាំនាំនូវការសាកសួរសុខទុក្ខ អាណិតស្រលាញ់ពីសម្តេចតេជោ ហ៊ុន សែន និងសម្តេចកិត្តិព្រឹទ្ធ ប៊ុន រ៉ានី ហ៊ុន សែន ជូន​ចំពោះបងប្អូនជនរួមជាតិដែលរងគ្រោះដោយទឹកជំនន់ ពេលនេះ​ហេីយទោះជាទឹកបន្តស្រកទៅវិញជាបណ្តើរ ក៏​សម្តេចទាំងពីរ​នៅតែបន្តយកចិត្តទុក​ដាក់​ខ្ពស់ចំពោះទុក្ខលំបាករបស់បងប្អូនជានិច្ច។​ អគ្គលេខាធិការ រូបនេះ ថ្លែងថា មកដល់ពេលនេះឃេីញថាបណ្តាភូមិសាស្រ្តនៃទឹកជំនន់​តាមស្រុកក្នុងខេត្តបន្ទាយមានជ័យ​មួយចំនួនទឹកបានស្រកបន្តិចបន្តួច ដែលពុំទាន់មានស្ថានភាពធ្ងន់ធ្ងរណាមួយបានកេីត​ឡេីងប៉ះពាល់ដល់ប្រជាពលរដ្ឋ​នៅឡេីយទេ។ ក្នុងពេលចុះតាមខ្នងផ្ទះប្រជាពលរដ្ឋ លោក គីម វីរៈ បានសំណូមពរដល់ប្រជាពលរដ្ឋដែលប៉ះពាល់ហើយពុំជម្លៀសទៅទីទួលសុវត្ថិភាព ត្រូ វរាយការណ៍ទៅអាជ្ញាធរមូលដ្ឋានជាបន្ទាន់ក្នុងករណីស្ថានភាពប្រឈមធ្ងន់ធ្ងរ ដេីម្បីទទួលបានការជួយសង្គ្រលះទាន់ពេល វេលា។ ទន្ទឹមគ្នានេះ លោក បានស្នេីដល់អាជ្ញាធរ និងកងកម្លាំងទាំងអស់ត្រូវសហការគ្នាចុះតាមដានជាប់ជាប្រចាំអំពីស្ថានភាព និងសុវត្ថិភាពរបស់បងប្អូនប្រជាពលរដ្ឋ គ្រប់ៗរូប។យ៉ាងណាក្តី ក្នុងនាមគណ:កម្មាធិការជាតិគ្រប់គ្រងគ្រោះមហន្តរាយ បានត្រៀមរួចជាស្រេចនូវកងរុករក និងសង្គ្រោះមហន្តរាយ​ទាំង១៦កង សម្រាប់ប្រតិបត្តិការអន្តរាគមន៍ជួយសង្គ្រោះ និងជម្លៀសប្រជាពលរដ្ឋគ្រប់ពេលវេលា។ បន្ថែមលើសពីនេះ ដើម្បីជាគិតគូរដល់ការស្តារជីវភាពរបស់ប្រជាពលរដ្ឋឡើងវិញ ក្នុងនាមគណ:កម្មាធិការជាតិគ្រប់គ្រងគ្រោះមហន្តរាយ បានដាក់បទបញ្ជាដល់គណៈកម្មាធិការគ្រប់គ្រងគ្រោះមហន្តរាយខេត្ត និងស្រុកឱ្យសិក្សាលំអិតពីការខូចខាតដល់ផ្លូវលំជនបទនានា ហើយបន្តសហការជាមួយ ក្រសួង និងមន្ទីរ ជំនាញ ធ្វើការស្តាឡើងវិញជាបន្ទាន់ពេលទឹកស្រកអស់ ដើម្បីជួយសម្រួលដល់ការប្រកបរបរក្នុងជីវភាពរស់នៅរបស់ប្រជាពលរដ្ឋឡើងវិញ។បេីតាមរបាយការណ៍របស់គណ:កម្មាធិការជាតិគ្រប់គ្រងគ្រោះមហន្តរាយ បង្ហាញថាខេត្តប្រឈមទឹកជំននលមាន៤ខេត្ត រួមមាន ខេត្តបន្ទាយមានជ័យ បាត់ដំបង កំពង់ធំ និងសៀមរាប ខណ:ខេត្តសៀមរាបមានទំហំប៉ះពាល់ច្រេីនជាងគេ៕

(ភ្នំពេញ)៖ ក្នុងនាមគណៈកម្មាធិការជាតិគ្រប់គ្រងគ្រោះមហន្តរាយ លោកទេសរដ្ឋមន្ត្រី គន់ គីម សម្តែងការសោកស្តាយ និងចូលរួមរំលែកមរណទុក្ខយ៉ាងក្រៀមក្រំជាទីបំផុតជាមួយ ក្រុមគ្រួសារសពយោធាពីររូប ដែលបានបាត់បង់ជីវិតពេលសង្គ្រោះជីវិតកុមារ។ លោកទេសរដ្ឋមន្ត្រី បានគូសបញ្ជាក់យ៉ាងដូច្នេះ «យើងខ្ញុំទាំងអស់គ្នាជាថ្នាក់ដឹកនាំ និងជាមន្ត្រីនៃគណៈកម្មាធិការជាតិគ្រប់គ្រងគ្រោះមហន្តរាយ សូមសម្តែងនូវការគោរពយ៉ាងស្មោះអស់ពីដួងចិត្តចំពោះគំរូវីរភាពរបស់យោធាទាំងពីរ។ ការពលីរបស់យោធាទាំងពីររូប បានបង្ហាញពីស្មារតីនៃការសង្គ្រោះដ៏ធំធេងរបស់កងទ័ពកម្ពុជា ដែលជានិច្ចកាលពួកគេតែងនៅជួរមុខជានិច្ចទាំងលើសមរភូមិការពារបូរណភាពទឹកដី និងសមរភូមិនៃការសង្គ្រោះគ្រោះមហន្តរាយផ្សេងៗ»។ លោកទេសរដ្ឋមន្ត្រី គន់ គីម បានបួងសួង និងឧទ្ទិសដល់វិញញាណក្ខន្ធវីរយុទ្ធជនទាំងពីររូប បានទៅសោយសុខក្នុងសុគតិភពកុំបីឃ្លៀងឃ្លាតឡើយ។ ជាមួយការចូលរួមរំលែកមរណទុក្ខ និងសម្តែងការសោកស្តាយជាមួយក្រុមគ្រួសារសពហើយនោះ លោកទេសរដ្ឋមន្ត្រី គន់ គីម បានផ្តល់អំណោយជាគ្រឿងឧបភោគ បរិភោគ ព្រមទាំងថវិកាក្នុងមួយសពចំនួន ៦លាន ២សែនរៀល។ គ្រឿងឧបភោគ បរិភោគ និងថវិកា ត្រូវបានលោក គង់ កន្នារិទ្ធ អភិបាលរង នៃគណៈអភិបាលខេត្តឧត្តរមានជ័យ តំណាងនាយឧត្តមសេនីយ៍ គន់ គីម និងលោក ប៉ែន កុសល្យ អភិបាល នៃគណៈអភិបាលខេត្តឧត្តរមានជ័យ យកទៅប្រគល់ជូនគ្រួសារសពនៅថ្ងៃទី០២ ខែតុលា ឆ្នាំ២០២២នេះ។ សូមបញ្ជាក់ថា ថ្ងៃទី៣០ …

ទេសរដ្ឋមន្ត្រី គន់ គីម សម្តែងការសោកស្តាយ និងផ្តល់អំណោយ ដល់គ្រួសារសពយោធាលង់ទឹក ពេលជួយសង្គ្រោះកុមារ Read More »

(ភ្នំពេញ)៖ ពីខេត្តបន្ទាយមានជ័យ ក្នុងដំណើរចុះពិនិត្យស្ថានភាពទឹកជំនន់ និងផលប៉ះពាល់ លោកទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានឱ្យដឹងថា គ្រោះទឹកជំនន់បណ្តាលមកពីទឹកភ្លៀង បានធ្វើឱ្យប៉ះពាល់ខេត្តចំនួន៤ មានសភាពធ្ងន់ធ្ងរ។ ខេត្តទាំង៤នោះរួមមាន៖ បន្ទាយមានជ័យ ឧត្តរមានជ័យ កំពង់ធំ និងសៀមរាប។ លោកទេសរដ្ឋមន្ត្រី បានឱ្យដឹងថា ខេត្តបន្ទាយមានជ័យ ប៉ះពាល់ក្រុង-ស្រុកចំនួន៥, ឃុំ-សង្កាត់ចំនួន២៦។ ប៉ះពាល់ប្រជាពលរដ្ឋ ៧,៤៩១គ្រួសារ ជម្លៀសទៅទីទួលសុវត្ថិភាព ២៩៧គ្រួសារ។ ប៉ះពាល់ស្រូវ ២៦,៧២៣ហិកតា និងលិចដំណាំរួមផ្សំ ១,០២៣ហិកតា។ លិចសាលារៀនចំនួន៤១ និងវត្ត ២២កន្លែង។ ខេត្តឧត្តរមានជ័យ ប៉ះពាល់ក្រុង-ស្រុកចំនួន៤, ឃុំ-សង្កាត់ចំនួន៨ និងប៉ះពាល់ប្រជាពលរដ្ឋប្រមាណ ៥២០គ្រួសារ។ លិចស្រូវប្រមាណ ៩៧ហិកតា និងដំណាំរួមផ្សំប៉ះពាល់ ៣២៦ហិកតា។ ខេត្តកំពង់ធំ ប៉ះពាល់ក្រុង-ស្រុកចំនួន៩, ប៉ះពាល់ប្រជាពលរដ្ឋប្រមាណ ៣,០៩១គ្រួសារ និងជម្លៀសទីទួលសុវត្ថិភាពប្រមាណ ២៤២គ្រួសារ។ ខេត្តសៀមរាប ប៉ះពាល់ក្រុង-ស្រុកចំនួន៨, ឃុំ-សង្កាត់ចំនួន៤១។ ប៉ះពាល់ប្រជាពលរដ្ឋប្រមាណ ៥,៨៧២គ្រួសារ និងប៉ះពាល់ស្រូវប្រមាណ …

ឯកឧត្តម ទេសរដ្ឋមន្រ្តី គន់ គីម អនុប្រធានទី១ នៃគណ:កម្មាធិការ ជាតិគ្រប់គ្រង គ្រោះមហន្តរាយ ៖ ក្នុងចំណោមខេត្ត៤ មានតែភូមិសាស្រ្តខេត្តបន្ទាយមានជ័យរងផលប៉ះពាល់ដោយទឹកជំនន់ខ្លាំងជាងគេ (Video inside) Read More »

នាព្រឹកថ្ងៃទី២៧ ខែកញ្ញា ឆ្នាំ២០២២ ឯកឧត្តម ទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានដឹកនាំកិច្ចប្រជុំបូកសរុបរបាយការណ៍ ស្ដីពីលទ្ធផលការងារគ្រប់គ្រងគ្រោះមហន្តរាយក្នុងខែកញ្ញា ឆ្នាំ២០២២ និងទិសដៅបន្តខែតុលាឆ្នាំ២០២២ និងការងារផ្សេងៗនៅក្នុងអគ្គលេខាធិការដ្ឋាន គ.ជ.គ.ម.។