ព័ត៌មានជាតិ

ព្រឹកថ្ងៃទី១០ ខែកុម្ភៈ ឆ្នាំ២០២២៖ ឯកឧត្តម ហង្ស សាមឿន ទីប្រឹក្សា សម្តេចតេជោនាយករដ្ឋមន្ត្រី និងជាអនុប្រធាន គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) តំណាងដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ គន់ គីម ទេសរដ្ឋមន្រ្តី អនុប្រធានទី១ គ.ជ.គ.ម. បានចូលរួមពិធីចុះអនុស្សរណៈនៃការយោគយល់ រវាង គណៈកម្មាធិការជាតិគ្រប់គ្រងគ្រោះមហន្តរាយ និង អង្គការការីតាស-កម្ពុជា នៅទីស្តីការគណៈកម្មាធិការជាតិគ្រប់គ្រងគ្រោះមហន្តរាយ។ អនុស្សរណៈនៃការយោគយល់ រវាង គណៈកម្មាធិការជាតិគ្រប់គ្រងគ្រោះមហន្តរាយ និង អង្គការការីតាស-កម្ពុជា ត្រូវបានរៀបចំឡើងក្នុងគោលបំណងដើម្បីពង្រឹងសហប្រតិបត្តិការ ក្នុងការចូលរួមអនុវត្តតាមដាន និងវាយតម្លៃលើវិស័យគ្រប់គ្រងគ្រោះមហន្តរាយ នៅក្នុងតំបន់គោលដៅរបស់អង្គការការីតាស-កម្ពុជា។ ក្នុងឱកាសនោះ ឯកឧត្តម ហង្ស សាមឿន បានសំដែងនូវការអបអរសាទរ និងគាំទ្រ ចំពោះកិច្ចខំប្រឹងប្រែងរបស់ ការីតាស-កម្ពុជា ដែលបានកំណត់ និងដាក់ចេញនូវគម្រោងកម្មវិធីចំនួន៤ សម្រាប់ឆ្នាំ២០២២-២០២៤ ដោយផ្តោតលើការងារគ្រប់គ្រងគ្រោះមហន្តរាយ និងការអភិវឌ្ឍន៍សហគមន៍ចម្រុះ ដោយសង្ឃឹមថា ការអនុវត្តគម្រោងកម្មវិធីទាំងនេះ នឹងផ្តល់នូវលទ្ធផលដល់ការត្រៀមបង្ការ និងការឆ្លើយតបគ្រោះមហន្តរាយ ព្រមទាំងធានាដល់ការកាត់បន្ថយហានិភ័យគ្រោះមហន្តរាយ និងលើកកម្ពស់សមត្ថភាពគ្រប់គ្រងគ្រោះអាសន្ន រវាង ការីតាស-កម្ពុជា …

ឯកឧត្តម ហង្ស សាមឿន អញ្ជើញចូលរួមពិធីចុះអនុស្សរណៈនៃការយោគយល់ រវាង គណៈកម្មាធិការជាតិគ្រប់គ្រងគ្រោះមហន្តរាយ និង អង្គការការីតាស-កម្ពុជា Read More »

ព្រឹកថ្ងៃទី១០ ខែកុម្ភៈ ឆ្នាំ២០២២៖ ឯកឧត្តម ឡាំ ហេងហួត អនុប្រធាន និងជាអគ្គលេខាធិការ គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) បានដឹកនាំមន្ត្រីជាថ្នាក់ដឹកនាំ និងមន្ត្រីជំនាញ អគ្គលេខាធិការដ្ឋាន គ.ជ.គ.ម. ចូលរួមកិច្ចប្រជុំ ‹‹ការធ្វើបទបង្ហាញ ស្តីពីវិធានការការពាររាជធានីភ្នំពេញ ពីជំនន់ស្ទឹងព្រែកត្នោត និងជំនន់ទឹកទន្លេមេគង្គ›› តាមប្រព័ន្ធអនឡាញ ក្រោមអធិបតីភាព ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម។

នារសៀលថ្ងៃអង្គារ ទី១៨ ខែមករា ឆ្នាំ២០២២ ឯកឧត្តម ឡាំ ហេងហួត អនុប្រធាន និងជាអគ្គលេខាធិការ គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) បានទទួលជួបប្រតិភូរបស់អង្គការភីន (PIN) ដឹកនាំដោយ លោក យ៉ាន ម៉កវិច្ឆិកា ប្រធាននាយកដ្ឋានសង្គ្រោះ និងអភិវឌ្ឍន៍ នៃអង្គការភីនប្រចាំនៅសាធារណរដ្ឋឆេក ដើម្បីមកទស្សនកិច្ច និងសម្ដែងការគួរសម នៅទីស្ដីការគណៈកម្មាធិការជាតិគ្រប់គ្រងគ្រោះមហន្តរាយ។ នៅក្នុងឱកាសនោះ ឯកឧត្តម ឡាំ ហេងហួត  តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ គន់ គីម ទេសរដ្ឋមន្ត្រី អនុប្រធានទី១ គ.ជ.គ.ម. បានធ្វើការវាយតម្លៃខ្ពស់ និងថ្លែងអំណរគុណយ៉ាងជ្រាលជ្រៅចំពោះអង្គការភីន ដែលតែងតែគាំទ្រដល់ គ.ជ.គ.ម. ក្នុងសកម្មភាពនានា ដើម្បីកាត់បន្ថយហានិភ័យគ្រោះមហន្តរាយនៅកម្ពុជា ជាពិសេសការសហការគាំទ្រទាំងបច្ចេកទេស សម្ភារៈ និងថវិកា ទៅលើប្រព័ន្ធប្រកាសឱ្យដឹងមុន ១២៩៤ ព្រមទាំងប្រព័ន្ធវាស់កម្ពស់ទឹកស្វ័យប្រវត្តិទេពមច្ឆាផងដែរ។ លោក យ៉ាន ម៉កវិច្ឆិកា ប្រធាននាយកដ្ឋានសង្គ្រោះ និងអភិវឌ្ឍន៍ នៃអង្គការភីន បានបញ្ជាក់ថា អង្គការភីន …

ឯកឧត្តម ឡាំ ហេងហួត បានទទួលជួប ប្រធាននាយកដ្ឋានសង្គ្រោះ និងអភិវឌ្ឍន៍ នៃអង្គការភីនប្រចាំនៅសាធារណរដ្ឋឆេក Read More »

ព្រឹកថ្ងៃទី១០ ខែមករា ឆ្នាំ២០២២ ឯកឧត្តម ង៉ោ សុវណ្ណ រដ្ឋមន្រ្តីប្រតិភូអមនាយករដ្ឋមន្រ្តី អនុប្រធានគណៈកម្មាធិការជាតិគ្រប់គ្រងគ្រោះមហន្តរាយ និងជាអនុប្រធានគណៈកម្មការប្រឡងប្រណាំងពាក់ព័ន្ធការឆ្លើយតបទាន់ពេលវេលា ចំពោះគ្រោះមហន្តរាយ និងរាល់ជំងឺឆ្លងរាតត្បាតកាចសាហាវ បានដឹកនាំកិច្ចប្រជុំគណៈកម្មការដែលជាលក្ខណៈសម្បត្តិទី៧ នៃគោលនយោបាយ «ភូមិ ឃុំ-សង្កាត់ មានសុវត្ថិភាព»។ កិច្ចប្រជុំ ត្រូវបានប្រារព្វធ្វើឡើងនៅទីស្តីការក្រសួងសុខាភិបាល និងតាមប្រព័ន្ធអនឡាញ ក្នុងគោលបំណងដើម្បីពិនិត្យសម្រេចជាផ្លូវការលើឧបករណ៍ និងសូចនាករ ដែលបានរៀបចំរួច ដាក់ជូនភូមិ ឃុំ-សង្កាត់អនុវត្តន៍។