(ភ្នំពេញ)៖ ក្រសួងធនធានទឹកនិងឧតុនិយម ចេញសេចក្តីជូនដំណឹង ស្តីពីស្ថានភាពធាតុអាកាស ចាប់ពីថ្ងៃទី២៣ ដល់ថ្ងៃទី២៩ ខែមិថុនា ឆ្នាំ២០២១។ សូមប្រុងប្រយ័ត្នចំពោះបាតុភូត ភ្លៀងធ្លាក់ខ្លាំង ផ្គររន្ទះ និងខ្យល់កន្ត្រាក់ ដែលអាចកើតជាពិសេស នៅតំបន់វាលទំនាបកណ្តាល។
(ខេត្តព្រះវិហារ)៖ ព្រឹកថ្ងៃទី២១ ខែមិថុនា ឆ្នាំ២០២១ អគ្គលេខាធិការដ្ឋាន គណៈកម្មាធិការជាតិគ្រប់គ្រងគ្រោះមហន្តរាយ សហការជាមួយ អង្គការកម្មវិធីស្បៀងអាហារពិភពលោក (WFP) បានរៀបចំវគ្គបណ្តុះបណ្តាល ស្តីពី ‹‹ការពង្រឹងសមត្ថភាពសម្រាប់ត្រៀមឆ្លើយតបសង្គ្រោះបន្ទាន់ទឹកជំនន់›› ជូនដល់គណៈកម្មាធិការគ្រប់គ្រងគ្រោះមហន្តរាយខេត្ត ក្រុង ស្រុក ខណ្ឌ ឃុំ សង្កាត់ នៅខេត្តព្រះវិហារ ចាប់ពីថ្ងៃទី២១-២៣ ខែមិថុនា ឆ្នាំ២០២១។ វគ្គបណ្តុះបណ្តាល ត្រូវបានធ្វើឡើងក្នុងគោលបំណង រំលឹកឡើងវិញនូវចំណេះដឹងមូលដ្ឋាន ស្តីពីការគ្រប់គ្រងគ្រោះមហន្តរាយ ធ្វើការអនុវត្តសាកល្បងប្រើប្រាស់ផែនការ ត្រៀមបម្រុងសម្រាប់ឆ្លើយតបសង្រ្គោះបន្ទាន់ និងប្រព័ន្ធព័ត៌មានទាន់ហេតុការណ៍ និងអង្កេតតាមដានស្ថានការណ៍គ្រោះមហន្តរាយ (PRISM)។
(ព្រឹកថ្ងៃទី១៨ ខែមិថុនា ឆ្នាំ២០២១)៖ ឯកឧត្តម ឧត្តមសេនីយ៍ឯក ច័ន្ទ លំផាត់ អនុប្រធាន គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានដឹកនាំក្រុមការងាររួមមាន ឯកឧត្តម មាស ម៉ារឌី (ទីប្រឹក្សា គ.ជ.គ.ម.) ឯកឧត្តម គីម វីរៈ (ទីប្រឹក្សា គ.ជ.គ.ម.) ឯកឧត្តម ឡៅ សុខហួរ (តំណាងលេខាធិការដ្ឋានគ្រោះមហន្តរាយក្រសួងការពារជាតិ) និងឯកឧត្តម អស់លោក មន្ត្រីពាក់ព័ន្ធមួយចំនួន អញ្ជើញចុះសួរសុខទុក្ខ និងត្រួតពិនិត្យសម្ភារៈសង្គ្រោះគ្រោះមហន្តរាយ នៅបញ្ជាការដ្ឋានការពារកោះឆ្នេរ ដើម្បីត្រៀមក្នុងការឆ្លើយតបគ្រោះមហន្តរាយ។ ឯកឧត្តម ឧត្តមសេនីយ៍ឯក មេបញ្ជាការនៃបញ្ជាការដ្ឋានការពារកោះឆ្នេរ បានថ្លែងកោតសរសើរ និងថ្លែងអំណរគុណយ៉ាងជ្រាលជ្រៅចំពោះ ឯកឧត្តម នាយឧត្តមសេនីយ៍ ទេសរដ្ឋមន្ត្រី គន់ គីម ដែលតែងយកចិត្តទុកដាក់ អំពីសុខទុក្ខរបស់បងប្អូននៃបញ្ជាការដ្ឋានការពារកោះឆ្នេរ ដោយតែងបានចាត់តាំងប្រតិភូ ចុះសួរសុខទុក្ខ និងនាំយកនូវស្បៀងមកផ្តល់ជូនជាប្រចាំ។ …
(ភ្នំពេញ)៖ ទូលព្រះបង្គំជាខ្ញុំ គន់ គីម ទេសរដ្ឋមន្ត្រីទទួលបេសកកម្មពិសេស និងជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ និងភរិយា ព្រមទាំងមន្ត្រីរាជការក្រោមឱវាទ សូមព្រះបរមរាជានុញ្ញាតសម្ដែងនូវអំណរសារទរយ៉ាងក្រៃលែង ក្នុងឱកាសនៃព្រះរាជពិធីបុណ្យចម្រើនព្រះជន្ម សម្ដេចព្រះមហាក្សត្រី នរោត្ដម មុនិនាថ សីហនុ គម្រប់ ៨៥ យាងចូល ៨៦ព្រះវស្សា ដែលប្រព្រឹត្តទៅនាថ្ងៃទី១៨ ខែមិថុនា ឆ្នាំ២០២១។ នាឱកាសដ៏មហានក្ខត្តឫក្សនេះ ទូលព្រះបង្គំយើងខ្ញុំ សូមធ្វើអភិវន្ទនកិច្ចថ្វាយព្រះពរបវរមហាប្រសើរ និងសូមលើកហត្ថទាំងទ្វេប្រណមបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក មានទេវតារក្សាព្រះមហាស្វេតច្ឆត្រ ទេវតាឆ្នាំថ្មី ព្រះបារមីព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ និងដួងព្រះវិញ្ញានក្ខន្ធ ព្រះបរមរតនកោដ្ឋ សូមតាមបីបាច់ថែរក្សាប្រោះព្រំសព្ទសាធុការពរ សិរីសួស្ដី ជ័យមង្គល វិបុលសុខ មហាប្រសើរថ្វាយ សម្ដេចព្រះមហាក្សត្រី ព្រះវររាជមាតាជាតិខ្មែរ សូមព្រះអង្គមានព្រះជន្មាយុយឺនយូរ ព្រះរាជសុខភាពល្អបរិបូរណ៍ ព្រះកាយពលមាំមួន ដើម្បីគង់ប្រថាប់ដ៏សុខដុមរមនា ជាមហាម្លប់ដ៏ត្រជាក់ត្រជុំ សម្រាប់ប្រជារាស្ត្រខ្មែរ ជាកូនចៅ ចៅទួតរបស់ព្រះអង្គ ជ្រកកោនជារៀងដរាបតរៀងទៅ និងសូមព្រះអង្គទ្រង់ប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជាភិយ្យោភាពតរៀងទៅ៕
(ភ្នំពេញ)៖ ក្រសួងធនធានទឹកនិងឧតុនិយម ចេញសេចក្តីជូនដំណឹង ស្តីពីស្ថានភាពធាតុអាកាស ចាប់ពីថ្ងៃទី១៦ ដល់ថ្ងៃទី២២ ខែមិថុនា ឆ្នាំ២០២១។ សូមប្រុងប្រយ័ត្នចំពោះបាតុភូត ភ្លៀងធ្លាក់ ផ្គររន្ទះ និងខ្យល់កន្ត្រាក់។ សម្រាប់ប្រជានេសាទ និងអ្នកដំណើរសមុទ្រសូមបង្កើនការប្រុងប្រយ័ត្នខ្ពស់។
ព្រឹកថ្ងៃទី១៤ ខែមិថុនា ឆ្នាំ២០២១ ឯកឧត្តម ឡាំ ហេងហួត អនុប្រធាន និងជាអគ្គលេខាធិការ គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ គន់ គីម ទេសរដ្ឋមន្ត្រិ ទទួលបន្ទុកបេសកកម្មពិសេស និងជាអនុប្រធានទី១ គ.ជ.គ.ម. បានអញ្ជើញចូលរួមជាអធិបតី ក្នុងពិធីបើក ‹‹វគ្គបណ្តុះបណ្តាលរំលឹកឡើងវិញ ជូនក្រុមប៉ាន់ប្រមាណគ្រោះមហន្តរាយ›› តាមប្រព័ន្ធអនឡាញ។ វគ្គបណ្តុះបណ្តាលនេះត្រូវបានរៀបចំឡើងដោយ អគ្គលេខាធិការដ្ឋាន គ.ជ.គ.ម. សហការជាមួយ វេទិកាមនុស្សធម៌កម្ពុជា (CHF) តំណាងឱ្យអង្គការក្នុងស្រុក ក្នុងគោលបំណង ផ្តល់ឱកាសឱ្យក្រុមប៉ាន់ប្រមាណគ្រោះមហន្តរាយ ចែករំលែកបទពិសោធន៍កន្លងមក ពិសេស ក្នុងពេលឆ្លើយតបទឹកជំនន់ឆ្នាំ២០២០ និងត្រៀមឆ្លើយតបក្នុងរដូវវស្សានេះ ដោយមានការចូលរួមពីមន្ត្រីជំនាញ នៃអគ្គលេខាធិការដ្ឋាន គ.ជ.គ.ម. មន្ត្រីបង្គោលថ្នាក់ខេត្ត និងបុគ្គលិកអង្គការក្នុងស្រុកឈរជើងនៅមូលដ្ឋានមួយចំនួន។ ក្នុងពិធីនេះដែរ អ្នកសម្របសម្រួលវេទិកាមនុស្សធម៌កម្ពុជា (CHF) បានប្រសិទ្ធនាម ឯកឧត្តម នាយឧត្តមសេនីយ៍ ទេសរដ្ឋមន្ត្រី គន់ គីម ថាជា ‹‹ថ្នាក់ដឹកនាំ ប្រកបដោយភាពឈ្លាសវៃ ដែលពោរពេញទៅដោយថាមពលដ៏ខ្លាំងខ្លា …
(ខេត្តត្បូងឃ្មុំ)៖ នៅព្រឹកថ្ងៃទី១៤ ខែមិថុនា ឆ្នាំ២០២១ ឯកឧត្តម គីម វីរៈ ទីប្រឹក្សា គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) ដឹកនាំមន្ត្រីជំនាញ នៃ អគ្គលេខាធិការដ្ឋាន គ.ជ.គ.ម. សហការជាមួយ អង្គការកម្មវិធីស្បៀងអាហារពិភពលោក (WFP) បើកវគ្គបណ្តុះបណ្តាល ស្តីពី ‹‹ការពង្រឹងសមត្ថភាពសម្រាប់ត្រៀមឆ្លើយតបសង្គ្រោះបន្ទាន់ទឹកជំនន់›› ជូនដល់គណៈកម្មាធិការគ្រប់គ្រងគ្រោះមហន្តរាយខេត្ត ក្រុង ស្រុក ខណ្ឌ ឃុំ សង្កាត់ នៅខេត្តត្បូងឃ្មុំ ចាប់ពីថ្ងៃទី១៤-១៦ ខែមិថុនា ឆ្នាំ២០២១។ វគ្គបណ្តុះបណ្តាល ត្រូវបានធ្វើឡើងក្នុងគោលបំណង ពង្រឹងសមត្ថភាពសម្រាប់ត្រៀមឆ្លើយតបសង្គ្រោះបន្ទាន់ទឹកជំនន់ តាមរយៈការរំលឹកឡើងវិញចំណេះដឹងមូលដ្ឋាន ស្តីពីការគ្រប់គ្រងគ្រោះមហន្តរាយ ធ្វើការអនុវត្តសាកល្បងប្រើប្រាស់ផែនការត្រៀមបម្រុងសម្រាប់ឆ្លើយតបសង្រ្គោះបន្ទាន់ និងប្រព័ន្ធព័ត៌មានទាន់ហេតុការណ៍ និងអង្កេតតាមដានស្ថានការណ៍គ្រោះមហន្តរាយ (PRISM)
កណ្តាល៖ នៅថ្ងៃទី១១ ខែមិថុនា ឆ្នាំ ២០២១ គណៈកម្មាធិការជាតិគ្រប់គ្រងគ្រោះមហន្តរាយ បានរៀបចំកិច្ចប្រជុំត្រួតពិនិត្យការងារប្រចាំខែ និងធ្វើបច្ចុប្បន្នភាពផែនការត្រៀមបម្រុងសម្រាប់ឆ្លើយតបសង្រ្គោះបន្ទាន់គ្រោះមហន្តរាយ ទឹកជំនន់ ឆ្នាំ២០២១ ក្រោមអធិបតីភាព ឯកឧត្តម នាយឧត្តមសេនីយ៍ គន់ គីម ទេសរដ្ឋមន្ដ្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ។ កិច្ចប្រជុំនេះមានការចូលរួមពី ឯកឧត្ដម អនុប្រធាន, ឯកឧត្តម អគ្គលេខាធិការ, អគ្គលេខាធិការរង និងប្រធាននាយកដ្ឋាន។ ឯកឧត្តម ទេសរដ្ឋមន្ត្រី គន់ គីម ក្នុងឱកាសដឹកនាំកិច្ចប្រជុំ បានវាយតម្លៃខ្ពស់ និងកោតសរសើរថ្នាក់ដឹកនាំ និងមន្ត្រីទាំងអស់ ដែលបានប្រឹងប្រែងដោះស្រាយការលំបាក និង បានអនុវត្តការងារបានច្រើនគួរឱ្យកត់សម្គាល់។ ឯកឧត្តម ទេសរដ្ឋមន្រ្តី ក៏បានជំរុញឱ្យនាយកដ្ឋាននីមួយៗ ត្រូវរៀបចំផែនការសកម្មភាព ជាពិសេសត្រូវពង្រឹងទំនាក់ទំនងល្អ ជាមួយកាកបាទក្រហមកម្ពុជា, គ្រប់ក្រសួង ស្ថាប័នពាក់ព័ន្ធ និងអង្គការដៃគូនានា ដើម្បីរួមគ្នាត្រៀមធ្វើការឆ្លើយតបក្នុងរដូវវស្សានេះ ព្រោះថា ‹‹ការងារគ្រោះមហន្តរាយនេះ ជារឿងចាំបាច់ណាស់សម្រាប់ប្រទេស ក៏ដូចលើពិភពលោក ព្រោះកត្តាធម្មជាតិមានការប្រែប្រួលកាន់តែខ្លាំង។ ដូច្នេះយើងត្រូវយកចិត្តទុកដាក់ឱ្យបានខ្ពស់ ដើម្បីយើងជួយប្រជាជនឋបានទាន់ពេលវេលាពេលមានគ្រោះធម្មជាតិវាយប្រហារ››។
(ខេត្តក្រចេះ)៖ ព្រឹកថ្ងៃទី១០ ខែមិថុនា ឆ្នាំ២០២១ អគ្គលេខាធិការដ្ឋាន គណៈកម្មាធិការជាតិគ្រប់គ្រងគ្រោះមហន្តរាយ សហការជាមួយ អង្គការកម្មវិធីស្បៀងអាហារពិភពលោក (WFP) បានរៀបចំវគ្គបណ្តុះបណ្តាល ស្តីពី ‹‹ការពង្រឹងសមត្ថភាពសម្រាប់ត្រៀមឆ្លើយតបសង្គ្រោះបន្ទាន់ទឹកជំនន់›› ជូនដល់គណៈកម្មាធិការគ្រប់គ្រងគ្រោះមហន្តរាយខេត្ត ក្រុង ស្រុក ខណ្ឌ ឃុំ សង្កាត់ នៅខេត្តក្រចេះ ចាប់ពីថ្ងៃទី១០-១២ ខែមិថុនា ឆ្នាំ២០២១។ វគ្គបណ្តុះបណ្តាល ត្រូវបានធ្វើឡើងក្នុងគោលបំណង រំលឹកឡើងវិញនូវចំណេះដឹងមូលដ្ឋាន ស្តីពីការគ្រប់គ្រងគ្រោះមហន្តរាយ ធ្វើការអនុវត្តសាកល្បងប្រើប្រាស់ផែនការ ត្រៀមបម្រុងសម្រាប់ឆ្លើយតបសង្រ្គោះបន្ទាន់ និងប្រព័ន្ធព័ត៌មានទាន់ហេតុការណ៍ និងអង្កេតតាមដានស្ថានការណ៍គ្រោះមហន្តរាយ (PRISM)។
(ភ្នំពេញ)៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) ចាប់ពីថ្ងៃទី៨-១០ ខែមិថុនា ឆ្នាំ២០២១ ឯកឧត្តម គីម វីរៈ ទីប្រឹក្សា គ.ជ.គ.ម. និង ឯកឧត្តម ម៉ា នរិទ្ធ អគ្គលេខាធិការរង គ.ជ.គ.ម. ព្រមទាំងមន្ត្រីពាក់ព័ន្ធ ចូលរួមកិច្ចប្រជុំលើកទី៣៨ គណៈកម្មាធិការគ្រប់គ្រងគ្រោះមហន្តរាយអាស៊ាន កិច្ចប្រជុំលើកទី១៤ ក្រុមប្រឹក្សាភិបាលមជ្ឈមណ្ឌល AHA និងកិច្ចប្រជុំពាក់ព័ន្ធ។ កិច្ចប្រជុំ ត្រូវបានដឹកនាំដោយប្រទេសសិង្ហបូរី ជាប្រធានប្តូរវេនសម្រាប់ឆ្នាំ២០២១។
